GNU-letrið svokallaða kom út í nýrri útgáfu 19. september með ýmsum breytingum og viðaukum.

Letrið er byggt á URW Nimbus Serif#9/Sans/Mono og líkist helst Times Roman, Helvetica og Courier.

Íslenskur spegill: rhnet.is. Skrárnar eru dagsettar 20100919. Líklega munu flestir sækjast eftir freefont-otf-20100919.zip.

Borðaðu vítamínríkan mat og drekktu mikið vatn til að líkaminn eigi betur með að brjóta niður alkóhól og skola því niður.

Heimild: Chosun Ilbo.

Takið rafhlöðuna strax úr, þurrkið af allan sýnilegan raka og og setjið símann í lofthelt ílát með rakadrægu efni (t.d. heilum, þurrum hrísgrjónum) í um sólarhring.

Heimild: Chosun Ilbo.

Í hafnarmyndavél Fjarðabyggðar á Reyðarfirði má sjá þetta fraktskip þar sem það liggur með brotinn gír.

Setjið staflann í heitt vatn og hellið köldu vatni yfir. Við það ætti það efsta að skreppa saman og það neðsta að víkka aðeins, nóg til að ná staflanum í sundur.

Heimild: Chosun Ilbo.

Fjarlægðu blettina með leðurhreinsi og strjúktu svo yfir með skóáburði samlitum áklæðinu.

Heimild: Chosun Ilbo.

Staðið kók eða klórblandað vatn leysir upp kalkstein í salernum.

Heimild: Chosun Ilbo.

Það má semsagt nota staðið kók til fleiri hluta en að verka dauðar flugur af framrúðunni.

Fiskur og kjöt geymast nokkrum dögum lengur lengur í ísskápnum sé það penslað með olífuolíu eða annarri matarolíu og vafið í plast.

Heimild: Chosun Ilbo.

Mataráhöld úr tré dökkna síður séu þau þurrkuð í örbylgjuofni eftir þvott.

Heimild: Chosun Ilbo.

Fiski- og fréttaannáll anno 1999, ens næstsíðasta árs aldar skriðdrekans.

Sunnudagur, 13. dagur junii.

Aksturskeppnir miklar í Canada mið. Vóru fráföll só mikil að elstu rauparar sögðust ekki muna annað eins úr sinni bernsku, og þóttust ökuþórar hrak- og fýluferðir einar fara. Komu og 650 regnbogaskreyttir silungar akandi í yfirlæti og kerjum þó frá Árlaxi í Kelduhverfi norður, en voru þó frelsi fegnir og gripu skjótt til ugga.

Fimmtudagur, 17. dagur junii

og fimmta ár frá hinni miklu þjóðvegahátíð Sunnlendinga. Létu þrír silungar góð varnaðarorð sér sem vind um eyru þjóta, flugu sér í munn koma og svo líf sitt. Voru það hinir fyrstu sem á land komu.

Sunnudagur, 4 dagur julii.

Kómu þann dag 16 silungar á land og var met. Haldið í Bandaríkjum westur heitrahundakappát. Vegnaði þarlendum vel en sólarsonum miður og urðu þeir að láta af hendi meistaratitilinn.

Laugardagur, 10. dagur julii.

Var landað 35 silungum; og þar með sett met er seint yrði slegið, að minnsta kosti það sumarið. Veður var af vestri og mikill hiti, sól og vindur.

Sunnudagur, 11. dagur julii.

Veður var með hinum sömu býsnum og gærdagsins, svo að tölvur fengu af yfirlið, slag og minnisleysi. Hvarf og Harðráðsnautur.

Þriðjudagur, 13. dagur julii.

Mættur til starfa Björgvinsnautur, arftaki Harðráðsnautar. Sá er hinum fyrri fremri, að geta vegið alla þá laxa og silunga íslenska er honum berast, en það gat hinn ekki. Var hann brennimarkaður í hví og hast svo að þekkjast skyldi ef á flakk færi.

Miðvikudagur, 21. dagur julii.

Þann dag féllu 8 silungar fyrir flugu eftir harðar rimmur, og var það nýtt met, en það gamla, bætta og brotna var 6 fiskar á flugu teknir. Reyndist hin fengsæla fluga afbrigði af Black Zulu með bleikum broddi og engu silfri.

Laugardagur, 24. dagur julii.

Gekk á með rokum; var sá vindgangur með þeim ósköpum að skúr skalf, bátur bifaðist í vör og Harðráðsnautur hrökk úr felum sínum.

Miðvikudagur, 11. dagur augusti.

Þau fárleg teikn voru á lopti að sól sást aðeins hálf að morgni, en sáust eigi héðan er ský skyggðu himin til kvölds.

Sunnudagur, 15 dagur augusti.

Gerðust Eskfirðingar nokkurir svo fullir af hermóð og göróttum drykk að þeir lögðu í víking og hræddu konur mjög. Báru salerni tjaldstæðisins ekki sitt barr er skyldi eftir þá aðför og tjaldstæðisgestur lofaði guð sinn að hafa sloppið heil og óséð af þeim ofstopamönnum.

Þriðjudagur, 31. dagur augusti.

Svo sem hið fyrsta verk var að draga foglhús á vatn út, var hið síðasta verk að draga þau á land upp. Gerði Íslandsbiskup visitatio á yfirreið sinni og var messað við góða mætingu.

Veður öll válynd, er ýmist skyldi ofkæla menn, drekkja þeim eða gufusjóða í eigin svita, og var þá sumum það að haldreipi að leggjast svo á kaf í vatn að eitt saman höfuðið sást.